Google ADS

Erdogan dhe Netanyahu në “luftë fjalësh”

23:43 | 1 Prill 2018
Trina Galanxhi

Kryeministri i Izraelit, Benjamin Netanjahu dhe Presidenti turk, Recep Tayyip Erdogan kanë shkëmbyer fjalë për përleshjet vdekjeprurëse në kufirin e Gazës.

16 palestinezë kanë mbetur të vrarë të premtën, pasi ushtarët izraelitë hapën zjarr ndaj disa demonstruesve të dhunshëm, transmeton portali arbresh.info

Në lidhje me rastin, Erdogan e ka quajtur Netanyahun “terrorist”.

Komenti erdhi pasi Netanyahu kundërshtoi “mësimet morale” të Ankarasë dhe e akuzoi Turqinë për bombardimin e civilëve jashtë kufijve të saj.

Më pari e ka quajtur Erdoganin si person “që bombardon fshatarët kurdë” në një referencë ndaj operacioneve ushtarake të Turqisë në zonën Afrin të Sirisë.

Në anën tjetër, Erdogan e ka quajtur sulmin e të premtës “çnjerëzor”.

“Hej Netanyahu, ju jeni okupator dhe si një okupator që jeni në ato toka, në të njejtën kohë jeni edhe terrorist”, tha Erdogan.

Lufta e përshkallëzuar e fjalëve vjen mes kritikave ndërkombëtare në rritje ndaj reagimit ushtarak izraelit./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm